ულტრაფონოფორეზი

პროცედურის მსვლელობისას ხორციელდება ულტრამაღალი სიხშირის ბგერების დახმარებით სამკურნალო ან კოსმეტიკური პრეპარატების შეყვანა კონკრეტულ ადგილზე. მექანიკური რხევის შედეგად კანში ღრმად შესული ნივთიერება ქმნის სამკურნალო ან  კოსმეტიკური მასის დეპოს, საიდანაც  პროლონგირებულად, სამი-ოთხი დღის განმავლობაში ნივთიერებების შეწოვა უფრო ღრმა ქსოვილებში ხდება.

ესთეტიკურ მედიცინასა და კოსმეტოლოგიაში ულტრაფონოფორეზი აქტიურად გამოიყენება:

-ცელულიტის კომპლექსურ თერაპიაში,

-ცხიმოვანი ცვლის დარღვევის დროს,

-სტრიების მოსაშორებლად,

-გაახალგაზრდავებისთვის,

-სახის ტენიანობის ასამაღლებლად,

-კანის ლიფტინგისათვის და მისი რელიეფის გასასწორებლად (გაუთოების ეფექტი),

-კანის სტრუქტურის სრულყოფისთვის,

-სახის ოვალის მოდელირების ხელშეწყობისათვის,

ულტრაფონოფორეზი ერთ-ერთ საუკეთესო პროცედურადაა მიჩნეული მშრალი ტიპის კანის პრობლემებთან ბრძოლის დროს.

მედიცინაში გამოიყენება სხვადასხვა დაავადებების კომპლექსური მკურნალობის დროს:

-სახსრებისა და ძვლების პრობლემების,

-ხერხემლის პათოლოგიის დროს,

– პერიფერიული ნერვული სისტემის პრობლემების მოსაგვარებლად,

-კანის სხვადასხვა დაავადებების სამკურნალოდ.

უკუნაჩვენებია სიმსივნური, ჩირქოვანი, სისტემური დაავადებების, ინფექციურ-ვირუსული დაავადებების არსებობისას.

მისი გამოყენება შესაძლებელია სახესა და მთელს ხეულზე.

არ საჭიროებს გაუტკივარებას, აღდგენით პერიოდს,  ცხოვრების წესის შეცვლას და წინასწარ მომზადებას.

პროცედურის ხანგრძლივობა 15-20 წუთია. მიზანშეწონილია 7-15 სეანსის  ჩატარება 2-3 დღეში ერთხელ.