პლაზმოლიფტინგი

პროცედურა გულისხმობს საკუთარი სისხლისაგან მიღებული, თრომბოციტებით მდიდარი პლაზმის შეყვანას კანქვეშ, ანუ  სასურველი ეფექტის მიღწევა (კანის გაახალგაზრდავება და გალამაზება) ხდება საკუთარი  ფერმენტების ხარჯზე.

კანქვეშ პლაზმის შეყვანის შედეგად ხდება ჰიალურონის მჟავის და კოლაგენის გამომუშავების, ტროფიკის და ნივთიერებათა ცვლის გააქტიურება, ადგილობრივად რეზისტენტობის და იმუნიტეტის ზრდა. შედეგად ვღებულობთ ელასტიურ, ჯანსაღი ფერის და ნორმალური ტენიანობის, გაახალგაზრდავებულ კანს. მცირდება ან სრულიად ქრება ნაოჭების რაოდენობა.

აკნეს ( გამონაყრების) შემთხვევაში პლაზმის შეყვანა ხდება გამონაყრის ადგილებში, რის შემდეგაც გამონაყარი ლაგდება სწრაფად და უკვალოდ (არ რჩება ლაქები).

ღრმა ნაოჭების შემთხვევაში პლაზმის გამოყენება შესაძლებელია ფილერის სახით ( შემავსებელი ჟელეს) ნაოჭების ამოსავსებად.

თმის ცვენის შემთხვევაში პროცედურა ააქტიურებს თმის ძირების კვებას, შედეგად მცირდება თმის ცვენის ინტენსივობა და იმატებს ახალი ღერების ამოსვლის ინტენსივობა.

მისი გამოყენება მიზანშეწონილია ასევე კანის უსიამოვნო ფერის, დაღლილი კანის (განსაკუთრებით მწეველებში), მოდუნებული კანის, ნაწიბურების, ფოტოდაბერების (ლაქები და გამომშრალი კანი), შემთხვევაში. პლაზმოლიფტინგი ეფექტურია ნაოჭებთან საბრძოლველად, რაც მთავარია, აქვს ხანგრძლივმომქმედი კანის ლიფტინგის ეფექტი (1.5-2 წელი).

პლაზმოლიფგინგი შესაძლებელია ჩატარდეს სახის, ყელის, გულმკერდის, ზურგის მიდამოში, თავის თმიან ნაწილში, ხელის მტევნებზე.

მისი უპირატესობებია:

-აბსოლუტურად უსაფრთხოა, გამორიცხულია ალერგიული რეაქციები და ინფექციური გართულებები, რადგან კანქვეშ მხოლოდ საკუთარი პლაზმის შეყვანა ხდება.

– ახასიათებს მაღალი ეფექტურობა, რადგან ორგანიზმი ყველაზე აქტიურად რეაგირებს საკუთარ პლაზმაზე.

– არ ახდენს კუნთების ბლოკირებას მოქმედების არეში.

პროცედურა ტარდება მეზოთერაპიის მსგავსად არატრავმული მიკროინიექციებით, ადგილობრივი გაუტკივარებით. მდგომარეობიდან გამომდინარე, მიზანშეწონილია 3-4 პროცედურის ჩატარება. არ აქვს ასაკობრივი შეზღუდვა.

უკუჩვენებებია: ორსულობა და ლაქტაციის პერიოდი, მწვავე, ცხელებით მიმდინარე  დაავადებები, ჰემოფილია, ნეფროპათია.