ლატიკორტი

HYDROCORTISONE-17 BUTYRATE
Pharmaceutical Company JELFA S.A., პოლონეთი

შემადგენლობა და გამოშვების ფორმა

HYDROCORTISONE-17 BUTYRATE

მალამო 0.1% ტუბში 15 გ
კრემი 0.1% ტუბში 15 გ
ლოსიონი 0.1% პოლიპროპილენის ფლაკონში 20 მლ

კლინიკურ-ფარმაკოლოგიური ჯგუფი
გლუკოკორტიკოიდული საშუალება გარეგანი გამოყენებისათვის.
პრეპარატი გააჩნია ძლიერი, ადგილობრივი ანთების, ალერგიის, ქავილისა და ექსუდაციის საწინააღმდეგო მოქმედება.

ჩვენებები
- კანის ალერგიული, სებორეული და კონტაქტური ანთებები;
- ეგზემა (კონტაქტური, ბავშვების, ქრონიკული);
- ფსორიაზი;
- წითელი მგლურა;
- დერმატომიოზიტი;
- ძლიერი ქავილით მიმდინარე კანის დაავადებები;
- ფოტოდერმატოზები.

დოზების რეჟიმი
პრეპარატი გამოიყენება ადგილობრივად. გამოყენების სიხშირესა და წესს ნიშნავს ექიმი.
კრემი და მალამო დაიტანება დაზიანებულ უბანზე დღეში 1-3-ჯერ დღეღამეში.
ხსნარის მცირე რაოდენობა წაისვით კანის დაზიანებულ მონაკვეთებზე. მკურნალობის დასაწყისში პრეპარატით სარგებლობენ არაუმეტეს 2-4-ჯერ დღეღამეში, დადებითი დინამიკის გამოვლინებისას – 1-2-ჯერ დღეღამეში. ხსნარის გამოყენება ოკლუზიური სახვევის ქვეშ არ შეიძლება.
პრეპარატის გამოყენება 2 კვირაზე მეტ ხანს არ შეიძლება. თუკი აუცილებლობა არ მოითხოვს, დღეღამის განმავლობაში არ გამოიყენოთ ხსნარის 2 გ-ზე მეტი, ხოლო 1 კვირის განმავლობაში – 1 შეფუთვაზე მეტი.
სახის კანზე არ გამოიყენოთ 1 კვირაზე მეტ ხანს.
2 წელზე უფროს ბავშვებში პრეპარატი ძალიან ფრთხილად გამოიყენეთ, მხოლოდ ერთხელ დღეღამეში კანის მცირე მონაკვეთებზე და სახის კანზე არ გამოიყენოთ.

უკუჩვენებები
კანის ბაქტერიული, ვირუსული და მიკოზური ინფექციები, ახალწარმონაქმნები და კანის კიბოსწინა მდგომარეობები, ვაქცინაციის შემდგომი პერიოდი, წამლის მიმართ აღმოჩენილი ალერგია.

Pharmaceutical Company JELFA S.A., პოლონეთი
ფარმაცევტული ქარხანა “ელფას” ოფიციალური დისტრიბუტორი სამხრეთ კავკასიის ქვეყნებში
ფარმაცევტული კომპანია “გეა”
თბილისი, ვაჟა-ფშაველას გამზ, 6
ტელ: +(995 32) 38 47 66
ფაქსი: +(995 32) 95 81 54